ذكرتني ياذا القمر باريش العيـن
لأنه يشابه طلعتك نـور خـده
ياما جلسنا ايام وشهور وسنيـن
سجيت انا وياه في بحـر جـده
أنشهد انه كامل الوصف والزين
أرخصت أنا الغالين في كسب وده
واليوم انا ياذا القمر والغضي وين
الكل منا دمعتـه فـوق خـده
يا صاحبي لا تبدل الزين بالشيـن
لا تسهر عيونـي وحالـي تهـده
أرفق بقلب ٍ لوعه عقبك البيـن
وعين ٍ تعاف النوم فوق المخـده
الله يرحـم حالـنـا يالمحبـيـن
أرواح وا ستعصت عليها المـوده
عز الله أن الحب و اهله مساكين
كل ٍ موصله الهوى فوق حـده
يسهر طوال الليل والناس ممسيـن
يساهر طيوف الذي زاد صـده
أعيش في ذكراه من حين الى حين
يالله عسى المولى حبيبـي يـرده
دونه حياتي خاليه مدري لويـن
بصبر وصبري من رجا بستمـده
الأربعاء سبتمبر 09, 2009 11:07 am