شباب الاسلام للثقافه والابداع
اهلا بك زائرنا الكريم
تفضل بالدخول باسم عضويتك او التسجيل ان كنت غير مسجل من قبل

منتدى اسلامي عام يهتم بقضايا الشعوب الاسلاميه والفقه الاسلامي والأحاديث الشريفه -- -ادب -فن -ثقافه-مجتمع-شعر-ديكور-رسائل جوال-كمبيوتر-انترنت
 
الرئيسيةاليوميةس .و .جالتسجيلدخول

شاطر | 
 

 ملف اطباق عيد الاضحى

اذهب الى الأسفل 
كاتب الموضوعرسالة
مليكه
اشراف
اشراف



مُساهمةموضوع: ملف اطباق عيد الاضحى   الجمعة نوفمبر 13, 2009 6:13 am

السلام عليكم ورحمة الله وبركاته

نصائح الاخت الفاضلة بسمة من المغرب :

اخواتي عواشركم مبروكة كيف كتعرفوا العيد راه قريب ان شاء الله وهناك عضوات مبتدئات بالطبخ واخريات يلاه دخلوا لعش الزوجية ولجميع الاخوات باش نتعرفوا حتى على اطباق وتقاليدنا التي لا تعد ولا تحصى لهذا قررت ان نجعل هذه الصفحة خاصة باطباق عيد الاضحى وبعض الافكار البسيطة والسهلة لمساعدة ربة البيت وفي انتظار ابداعات عضواتنا الحادكات في طبخ اطباق عيد الاضحى تقبلوا اطباقي المتواضعة وافكاري البسيطة
بسم الله

1 - ليلة العيد ان شاء الله وجدي كل شيء باش تنقصي عليك الخدمة ومتعياش ماكاين ما احسن من الاعداد المسبق
دقي الثوم بالملح و عمريها في قرعة في الثلاجة.
وجدي القسبور والمعدنوس والعطرية .
دقي القسبور حبوب.
- بالنسبة للاخوات اللي كيدوخهم المجمر يديروا فيه قطع من الحامض بعد الانتهاء من الشوي. .
2- لتفادي الحشرات عند تجفيف لحم القديد و الكرداس يدهن بالزيت فتنفر منه الحشرات!
3- بعد ذبح أضحية العيد يجب تعليقها بمكان به تهوية ليجف اللحم و يقطع في صباح اليوم التالي .عاد تبداي فيه لان الخروف سبحان الله العظيم ملي يذبح يفرز مادة سامة و غير صالحة للانسان وسبقي القسمة لي غادة تصدقي هي الاولى ولي غادي تحتفظي بيه يعبيء في بلاستيكات بيضاء مخصصة للحم. و نصيحتي لك ان لا تغسلي اللحم بالماء قبل التعبئة لان ذلك يفقده البنة .

كيفية غسل الدوارة ديال الخروف "معدة الخروف"
1ـ تغسل معدة الخروف جيدا ثم توضع في وعاء وسط الماء الغليان وتتركمدة خمس دقائق، بعد ذلك تخرج وتكشط بالسكين لإزالة الطبقة السوداء، ثم تغسل من جديد وترقد قليلا في الماء مع الملح والحامض وتقطع أطرافا صغيرة.
2ـ تقلب الأمعاء "بواسطة مغرف خشبية" وتغسل جيدا ثم تعمل على شكل ظفيرة وتوضع في وعاء مع الرئة، ثم تقطع أطرافا صغيرة.
الدوارة طريقة طهيها: ديري القطع في الطنجرة و زيدي عليها زيت زيتون - شرمولة ديال القزبور و المعدنوس و الثوم و الكامون - قسبور حبوب مدقوق -التحميرة - القليل من السودانية - ملعقة كبيرة ماطيشة الحك - ماطيشة محكوكة - بصلة محكوكة وخليها تتقلى على نار هادئة .عاد مرقي بالماء ما ديريش بزاف و سدي عليها و نقصي النار. تجي ممتازة ملي تخليها تتشرب المرق.
و الراس يتشوط باش يتحرقو الحشرات لي لاسقين في الصوف و يتساسو الخنافر مقلوبين لان يقدر يكون فيهم الدود.
بالنسبة للكبدة انا كنديرها بولفاف
الطريقة
تزال القشرة عن الكبد, يضاف الملح, الكامون, توضع في مشواة على نار الفحم لتنضج, يجفف الشحم جيدا ,تقطع على شكل شرائح طويلة, يقطع الكبد مربعات متوسطة , تلف بالشحم ثم نضع المربعات في القطيب الخاص ببولفاف، وتشوى على النار، وتقدم .
وكاين لي كيشرملها
تاخدالكبده - 4 فصوص ثوم - قصبر - 4 حبات طماطم - ملح - فلفل احمر - كمون – ملعقة كبيرة من الخل – السودانية – ماء.
اول حاجة ناخد الثوم ندقه بالمهراز + ملح و قزبور
ثم نحضر صلصة الطماطم نخلط كل العناصرفي مقلاة او طاجين، الا الكبدة نخليها للاخيرو يتبل المرق جيدا.
المخ ناخد مخ نضعه يطبخ في الماء دقيقة و نزيل منه القشرة الرقيقة اللي فوق ناخد 3 او 4 حبات طماطم نقطعهم نضيف الثوم مفروم –قزبور- ملح - فلفلة حمراء - كمون – السودانية (فلفلة حارة) - زيت الزيتون - زيت نباتي.نضيف كاس ماء و نضيف الكل للمخ و يطبخ من الجهتين. و حين نضجه نضيف البيض من فوق.
الطحال
نجهز الحشوة: نفطع القلب و الكلية و القليل من شحم الكلي نضيف ربطة بقدونس مقطعة و قشرة ليمونة مخللة و مقطعة (مصيير) نضيف ثوم مفروم- ملح - فلفلة حمراء - كمون – فلفلة حارة (سودانية).
يملا الطحال بالحشوة جيدا. ثم نخيطه بالخيط و يدخل للفرن في الفرن حتى ينضج.
الكرداس اما الكرداس قطعي طريفات بحال الخريقات ديال الكرشة و قطع ديال الرئة و كاين اللي كيدير حتى الكبدة و الشحمة. و رقديهم في زريعة القزبور - الملح – الثوم – الكمون - التحميرة - زيت. خليهم يترقدوا ليلة كاملة. ثم ديريهم
يتقطرو مزيان. و ما فيها باس تنشفيهم في الشمس عاد تلويهم و تعقدي بالمصران و تنشري في الشمس تيبس.
المجبنة: كنغسلوها مزيان وكنعمروها بالرز مسلوق مخلط مع الكفتة أو قطع اللحم - الثوم مفروم – الربيع - العطرية كلها الا التحميرة - بصلة مشلظة - بيضة مخفوقة - ملعقة ص مطيشة الحك. ثم نخيط لها الفم ونعملها في الفريكو. ملي نبغي نطيبها كنعملها في الكوكوط (قدر الضغط) مع بصلة مشلظة - الثوم – الربيع - توابل - المرقة العادية. ونتقبها بإبرة معقمة باش متفرقعش ونسد عليها، لما تنضج ندهنها بالزبدة وندخلها للفران تتحمر من كل الجوانب في حين نخلي المرق يعقد مزيان يبقى منه غير شوية ونقدمها.
التفصال بابا الله يخليه ليا هو لي كيجي يفصلي من بعد تعليمات ماما العزيزة . طبعا البلاستيكات المخصصة للحم واجدين تناخذ الفولات ديال الحولي تندرهم بوحدهم حتى نطيبهم شي نهار بالبصلة - الزبيب- زيت زيتون – ثوم - الربيع.او تنشويهم واخا نا مكنكلهمش. ايضا الشحمة اللي في الكرش قرب الكلاوي تنديرها في ميكة حتى نديرها مع المحمر والمروزية كنبداو الحولي من العنق. كنحيد من كل الهبيرة (اللحم) للشواء و العظم اللي بقى تنديروا في بلاستيكة حتى نزيد عليه عظيمات اخرين باش نديرالمروزية ما شي غير العظيمات راه باقي فيهم اللحيمة. تنحيدوا الرجلين تنقسمهم. الضلوع تيتقسموا. السلسول كنقسموا باش يبقى صافي في هذه الحالة ايلا كانت عندي شي عراضة كنحيد اللحم اللي غدي نحتاجها . و اللي بقى تنحيد اذا بانت لي شي هبيرة كبيرة للشواء تنزيدها على اللحم اللي حيدت من الرقبة. هذا اللحم المخصص للشواء كنقطعوا قطع صغيرة عاد تنديروا في البلاستيكات .منين تنبغي نشوي تنجبدها موجودة. الضلعات تنقسمهم في الميكات غير التفوار او التحمار في الفران. الباقي تنقسموه باش ندير طويجنات.

م /ل


[ندعوك للتسجيل في المنتدى أو التعريف بنفسك لمعاينة هذه الصورة]
عواشركم مبروكة [ندعوك للتسجيل في المنتدى أو التعريف بنفسك لمعاينة هذه الصورة]
لكل عام وانتم بخير منقول [/font]
الرجوع الى أعلى الصفحة اذهب الى الأسفل
 
ملف اطباق عيد الاضحى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شباب الاسلام للثقافه والابداع :: عالم المرأه -المطبخ :: عالم المطبخ-
انتقل الى: